Del

Tamatta nalunngilarput perorsaasunik amingaateqaqaluta aamma nunatsinni sumiiffiit ilaanni meeqqerivimmiivinnut utaqqisoqartartoq sivisuupilussuarmik. Aaqqiissutissanulli  ilaasinnaavoq angerlarsimaffimmi ulluunerani paarsisartut nukittuut tatiginartullu.


Inuit nukiisa pigisatta atorluarnissaat pikkoriffiginerusariaqarparput

Tamanna pisinnaavoq meeqqat meeqqerivinni peroriartortinngikkaluarlugit angerlarsimaffimmi ulluunerani paarsisartut namminersortunngoqqullugit kajumissaarnerisigut, meeqqap, angajoqqaat, paarsap ukiui, inuiaqatigiillu sinneri nuannarutissillugit.

Perorsaasut amingaataapput – aamma Demokraatini siunnersuusiorfiginikuuarput piffissap sivisunerusoq isigalugu tamanna qanoq qaangerneqarsinnaanersoq. Akissaqartinngilarpulli “meeqqat ilaqutariillu sapanginnissaat” pissutsit iluarsissiinerini. Massakkut atukkagut naleqartitagullu aallaavigalugit iliuuseqartariaqarpugut.

Meeqqerivimmi peroriartortitsisarnerup millisarnissaata kajumissaarutigineratigut qularnaarsinnaavarput meeqqat  amerlanerpaamik 2-3-t angersimaffinni toqqissisimasumik ulluunerani paarsisartumit ataatsimit paarineqartalernissaat.

Ilisimatusarnerup takutippaa meeraaqqanik meeqqerivinni peroriartortitsisarneq kinguneqarnerlussinnaasartoq peqataanillu ilaqutariit mikisunik meerartallit sakkortuumik ilungersuatinneqartartut ernereerlutik sulinngiffeqarnermik kingorna suleqqittussanngoraangamik ilaatigut pissutigalugu paarsisussaaleqisarneq kisiannili aamma meeqqerivinnut pioreersunut tatiginninnginneq aamma meeqqeriviit pioreersut pillugit toqqissisimannginneq.

Taamaattumik kikkut tamarmik soqutigisaraat angerlarsimaffimmi ulluunerani parsisartussanik pikkorissunik pilersitsinissaq pisortanit atorfeqartut assigalugit inatsisinit illersorneqartunik, piginnaanngorsarnissaminnut pikkorissarnissaminnut/ilinniarnissainnut periarfissaqartunik meeqqap naliginnaasumik peroriartornissaa qulanaarumallugu.

Meeqqamut, angajoqqaanut inuiaqatigiinnullu pingaaruteqarpoq meeqqap aalajangersimasunik toqqissisimanartunillu avatangiiseqarnissaa meeqqap inuunerani ukiuni pingasuni siullerni qamuuna ikinnerpaanik misigisaqarnissaa qularnaarlugu sualummillu ukiumi siullermi tarnikkut timikkullu innarlerneqarsinnaanera pinngitsoortikkumallugu.

Angerlarsimaffinni ulluunerani paarsisartut qanimut suleqatigiilersinnaapput qularnaarumallugu meeqqap paarineqarnissaa  napparsimasoqartillugu sulinngiffeqartoqartilluguluunniit taamatullu sulliviup nalaani assigiinngitsunik susaqatigiittarnissaq qularnaarumallugu qanittumik imminut ataqatigiinnissaq meeqqap iluaquserneqarnissaa pillugu.
Inussiarnersumik inuulluaqqusillunga
Anna Wangenheim
Demokraatit sinnerlugit qinigassanngortittoq

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt