Del

Illoqarfinni nunaqarfinnilu qineqqusaarnerit aallarteruttorput. Taakkunani eqqartorneqarnerullutik, soorlu Nunatsinni tusagassiuutinit ilimagineqareersut, tassa angallannerit, aalisarnermut inatsit, aatsitassat minnerunngitsumillu namminiilivinnissamik oqallinneq. Meeqqalli inuusuttullu atugaat pillugit ataasinnguamilluunniit qineqqusaarnerni taaneqanngillat eqqaaneqaratillu, naak tamannarpiaq pillugu meeqqat pisinnaatitaaffiinik suliniaqatigiiffimmit, MIO-mit, tusagassiuutit aqqutigalugit qaammatini kingullerni, tamanna politikerinit eqqaamaqqullugu inassuteqaqattaaraluartut.

MIO-mit katersorneqarput meeqqaat politikerinut oqariartuutigerusutaat taakkulu politikerinut tunniunneqarlutik qineqqusaarnerni eqqaamaqquneqarlutik oqallisigineqaqquneqarlutillu. Tamannali politikerinut pissaanilissuarnut anngussimanngilaq, tassa namminiilivinnissaq aalisarnermullu inatsit oqaluuserineqarusunnerummata, tassami qineqqusaarutit taakkuupput qinersinermi taagorneqarnerpaanissamut sakkugineqartartut.

Nunatsinni meeqqat ameerlavallaat inuuniarnermikkut atugarliortinneqarput aamma meeqqat amerlavallaat kiguaassiutimikkut kannguttaatsuliorneqartarput. Meeqqat inuuniarnermikkut atugarliortut angajoqqaamilu aningaasaateqarpiannginnerannit eqqorneqqarsimasut ikiorneqartariaqarput aamma meeqqat kiguaassiutimikkut atornerlunneqartartut siusinnerujussuakkut paasineqartarnissaat sulissutigineqartariaqarpoq ikiorserluapallattarnissaallu aamma sulissutigineqartariaqarluni. Taamaaliunngikkutta meeqqatsinnik suli innarliinerussaagut.

Meeqqat kiguaassiutimikkut atorneqarlunneqartarnerat puigorneqassanngilaq. Tamannami meeqqat aamma kissaatiginngilaat. Meeqqat piumasaat anguneqassappat tamanna politikerit, meeqqat, inuusuttut angajoqqaallu akornanni annertunermik oqallisigineqarnerusariaqarpoq, paquminartutut isigiunnaarlugu. Aatsaat tamanna aaqqikkutsigut siunissaq qaamanerulissaaq oqasinnaalissallutalu pilluartuta namminerisatsinnik nunaqarluta.

 

In. in.
Apollo M. Jeremiassen
Demokraatit sinnerlugit Inatsisartunut qineqqusaartoq

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt