Del

Sisimiut-ni arfininngormat qineqqusaarnermi KNR-Raatiukkut aammalu TV-ikkut aallakaatinneqartumi saqqummerpoq Kommunneqarfik Sermersooq siornatigut nammineq mittarfimmik piginnikkusulluni kissaateqarsimaneranik ilisimasaqanngitsoq qineqqusaartunit.

Atassut-mit qineqqusaartut ilaasa Kommunneqarfik Sermersooq uparuarpaa, Nuuk-mi mittarfiup allinissaa kommunep nammineq akilertariaqaraluaraa. Qineqqusaartup assersuutitut taavaa Qeqqata Kommuneata siornatigut nammineq talittarfini akilersimamammagu, apeqquserlugulu sooq Nuuk taamaaliortoqarsinnaannginnersoq.

Ilisimatitsussutigineqassaaq Kommunneqarfik Sermersooq arlaleriarluni kissaateqartarsimagaluarmat nammineq kommunetut mittarfeqarneq taamatullu mittarfiuliorneq aningaasaliiffigerusullugu piginnittutullu inissinnissaq. Tamakkiisumik piginnittuuneq kisiat pinngagu, Kommunneqarfik Sermersooq aamma neqerooruteqartarnikuuagaluarpoq Namminersorlutik Oqartussat aamma piginneqatigerusullugit.

Kommunneqarfik Sermersooq-mit neqeroorutit tamaasa Namminersorlutik Oqartussat naaggaartarsimavaat.

Namminersorlutik Oqartussat naaggaartarnerminnut tunngavigivaat mittarfik Nuuk-miittoq imminut akilersinnaammat sinneqartoortarlunilu, soorlu mittarfiit allat ikitsut assigalugit. Nuuk-mi sinneqartoorutit Nuup avataani illoqarfinni najugaqartunut akikinnerusumik angalasinnaanerannut tapiutitut iluaqutaasarput. Kommuneqarfik Sermersooq mittarfimmik Nuuk-miittumik piginnittuuguni Nuup avataani najugaqartunut angalaniarneq suli akisunerussagaluarpoq.

Assut ajuusaarnarpoq Inatsisartunit nuna tamakkerlugu sullissisussanit ilaasortanngorusuttunit kommunemut qineqqusaarnermik pissusilersorneq atorneqartarmat, imaluunniit ”ikku uagullu”  soorlu oqallinnermi ”Nuuk uagullu” aallaavigalugit qineqqusaartoqartarmat ilisimasaqannginneq tunngavigalugu.

Kaammattuutigissavarput qinerneqartussanut ataasiakkaanut aammalu partiinut aaqqiissutit nunatsinnut ataatsimut aningaasaqarnikkut iluaqutaasussat ujartortaqqullugit suminngaanneerneq aallaaviginagu. Taamaaliornikkut nunatsinnut ataatsimut aningaasaqarnikkut iluaqutaasut toqqartaqqullugit, naak amma Nuuk-mi aningaasaliineq pissagaluarpat.

Inussiarnersumik inuulluaqqusillunga
Demokraatit Inuusuttai

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt