Del

Utoqqaat inuiaqatigiit peqataatinngilaat

Utoqqartatta inuunertusiartuinnavittut inuiaqatigiinni inooqataanerat peqataatinneqarnerallu iliuuseqarfigineqanngippallaarpoq. Pissutsit allanngussanatik suli atuupput.

 

Utoqqaat inuiaqatigiinni peqataatinneqarnerussapput

Utoqqaat suli pisinnaasut tunniussassallit amerlapput. Utoqqaat peqatiserineqassapput aamma suleqatiserineqassapput.

Utoqqartatta isumaat aammalu ilitsoqqussaralugu ilisimasaat piginnaasaallu inuiaqatigiinni atorneqarneri tulluusimaarutissaanngitsumik inissisimapput. Utoqqartasinnut pisussaaffeqarpugut oqassalluta inuunitsinni pisariaqartillutigit aammalu piginnaasaat ilisimasaallu inuiaqatigiinni aatsaat taamak pisariaqartitsigalungit. Tunniussisinnaaneq naleqartinneqarnerlu piginngilaat.

 

Utoqqaaneq pilerinartoq nuannaartunartorlu.

Utoqqarnut nuannaartorinninneq ataqqinninnerlu utertinneqassapput, utoqqartatta inuiaqatigiinnut aammateqqinnerisigut. Ullumikkut meerartagut utoqqaallu avissaartitaasimapput tamannalu annaasarput akisunaarparput. Meeqqap, inuusuttup inersimasullu utoqqarmut inissartitsinini inuunermini pigiliutassaraa, inuiaqatigiinnut tamanut nukittuunngortitsisussaq. Kinaassusermik piorsarsimassusermillu tammatsaalisussatuaraagut minguinnerpaanik piviusunillu ilisimasaqarlutillu piginnaasaqarmata.

 

Utoqqaat tikilluaqqutigit

Meeqqeriviit, atuarfiit ilinniarfiillu utoqqarnik peqataatitsinerusariaqarput. Utoqqarnik ilisimasalinnik suleqateqarsinnaaneq periarfissanngussaaq pilerinartoq aammalu tulluusimaarnartoq. Utoqqaq allatuulli naleqassuseqarpoq aamma atorfissaqarpoq ataqqineqarnissamillu aqqutissiunneqassaaq.

Else Marie S. Petersen, Demokraatit Inatsisartunut 2018 sassartitaat.

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt