Del

KNR  nuna tamakkerlugu tamatsinnut kiffartuussisuuvoq. Taamaattumik uggornaqaaq KNR-p matumani qineqqusaarnermi IA Siumullu pingaarnerutimmagit. KNR taamaasilluni qinersinerup inerneranut angisuumik sunniuteqariaannanngorsinnaavoq.

Kikkut tamarmik kukkusinnaapput. Kukkugaannili aaqqinniapallattariaqarpoq.

Taamaattumik eqqortuliornerussagaluarpoq sukkanerpaamik matumani qineqqusaarnermi IA-mik Siumumillu salliutitsiniarluni kukkusumik kikkullu tamat oqartussaaqataaneranik suusupaginnilluni aalajangernini allanngortipallattariaqarpaa. Qineqqusaarnermi partiit naligiillutik tamarmik unammisariaqarput tamannali pisinnaajunnaarpoq IA Siumullu nuna tamakkerlugu TV-mi marluinnaatillugit oqallitsinniarlugit KNR aalajangermat.

Suleqatigiissitsisut, Nunatta Qitornai, Atassut, Partii Naleraq Demokraatillu isumaqarput KNR-p aalajangernermigut IA Siumullu naapertuilluanngitsumik allanut naleqqiullugu angisuumik iluaquserniarneqartut.

Taamaattumik sakkortuumik KNR kaammattussavarput aalajangernini taamaasillunilu IA-mik Siumumillu nuna tamakkerlugu TV-mi marluinnaatillugit oqallitsitsiniarniarluni allanngortissagaa.

KNR-p naapertuilluanngitsumik partiinik immikkoortitsinini aalajangiusimassappagu paarlattuanik IA Siumullu kaammattussavagut marluinnaallutik oqallinnissaminnut takkutissanngitsut taamaasillutillu partiinik minnernut  ersoqataanertik takutillugu.

KNR-p pisoraa siusinnerusukkut oqarnikuuvoq KNR-mi ataatsimiinnermi KNR-p siunnersuutaanut partiit akuerseqataasimasut. Eqqunngilluinnaqqissaarpoq. Partiit ataatsimiinnermi peqataapput KNR-p pilersaarutini saqqummiummagu, partiilli siusissukkut atortussanik pajunneqarnikuunngillat. Taamaattumik ajornannginaariniarsarineruvoq ataatsimiinnerit siullersaanni  qineqqusaarnissamut atatillugu KNR-p pilersaarutaanut partiit peqataanerat KNR-p pisortaata akuersinertut isiginiarsarimmagu.

Inussiarnersumik inuulluaqqusilluta
Suleqatigiissitsisut, Nunatta Qitornai, Atassut, Partii Naleraq aamma Demokraatit

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt