Del

Qineqqusaarnermi maannakut politikkikkut isummat assigiinngitsut politikkikkullu oqariartuutit anninneqartarput. Demokraatini tamanna nuannarisimavarput.  Ajoraluartumilli IA kusanaalluinnartumik salluliorluni aallartippoq, qularnanngitsumik Demokraatit uppernassusaat innarlernialrugu. Tamanna soorunami akuerinavianngilarput. Taamaattumik IA kajumissaarusupparput salluliuutitik utertissagaat.

Demokraatini neriuutigisimagaluarparput kusanartumik qineqqusaartoqarumaartoq aamma politikkikkut isummat sakkugalugit oqallittarluta. Ippassarli – sisamanngornermi apriilip ulluisa tallimaanni – nunatsinni partii angisuut aappaata – IA-p ajoraluartumik  Demokraatit pillugit  ataqatigiissaakkamik salluliorlutik aallartipput.

 

Demokraatini tamanna tujorminarluinnartutut isigaarput. Aamma neriuppugut qineqqusaarnerup sinnerani taama periuseqarneq IA-p atussanngikkaa.

 

IA-p salluliornera politikkumulluunniit attuumassuteqanngilaq – taamaallaat siunertaavoq Demokraatit uppernassusaannik aserorterinissaq.

Pineqartoq naatsunnguamik:
UKA 2017-mi taamani Naalakkersuisuusoq – Demokraatit naalakkersuisooqatigisaat – imigassaq pillugu siunnersuummik saqqummiussaqarpoq. Demokraatini Naalakkersusiut akornanni taamani erseqqissaassutigaarput siunnersuutip ilarujussua Inatsisartuni akerlilersorumaarlugu aamma siunnersuut saqqummiunneqarpat akuerseqataalluta taasinavianngitsugut. Aamma taamaaliorpugut. Oqaaseqatartutta Justus Hansenip oqaaseqaamminik saqqummiussinermini erseqqilluinnartumik oqaatigaa siunnersuutip ilarujussua akuerisinnaanngikkipput piumasaralugulu ataatsimiititaliami suliarineqalerpat allannguutissatut saqqummiussani suliarineqassasut.

 

Tamanna uppernarsineqarsinnaavoq taamani Demokraatit oqaaseqartartuata saqqummiussai uani atuarlugit:

Dansk: https://inatsisartut.gl/dvd/EM2016/pdf/media/306412/pkt122_em2016_alkohollov_ordf_1beh_demokraatit_da.pdf
Kalaallisut: https://inatsisartut.gl/dvd/EM2016/pdf/media/306413/pkt122_em2016_alkohollov_ordf_1beh_demokraatit_kal.pdf

Naatsumik oqaatigalugu naalakkersuisoqatigiit kinguninngua allanngorput aamma imigassamut inatsisissatut5 siunnersuut tunuartinneqarpoq taarserneqarlunilu nutaamik Naalakkersuisoqatigiilersuninngaanniit IA-mit, Siumumit aamma Partii Naleqqamit. Demokraatini siunnersuutip taassuma itigartitsissutigineqarnissaa inassutigaarput uangut isumarput naapertorlugu saqqummiunneqartoq siuliani saqqummiunneqartumut naleqqiullugu suli ajornerummat.

Tamanna aamma uppernarsarneqarsinnaavoq Demokraatit oqaaseqartartuata taamani saqqummiussaa atuaraanna.
Danskisut: https://inatsisartut.gl/dvd/EM2017/pdf/media/2532487/pkt101_em2017_alkohollov_ordf_1beh_demokraatit_da.pdf

Kalaallisut: https://inatsisartut.gl/dvd/EM2017/pdf/media/2532488/pkt101_em2017_alkohollov_ordf_1beh_demokraatit_kal.pdf

Taamaakkaluartoq IA-p allaanngilaq aaqqissuussamik saassussivoq, imigassamut inatsimmut Demokraatit isummaminnik allanngortitsisimasutut isikkoqalersinnissaat siunertaralugu.

 

Sermitsiaq. AG-p oqallittarfiani saassusseqqaartuuvoq Agathe Fontain. Ilaatigut ima allakkami:

“Asasara Randi.

UKA 2016-mi, Naalakkersuisooqataagassi, Naalakkersuisut isumaqatigiittut, Inatsisartunut imigassamu inatsisisaq saqqummiupparsi.

  • 41 : Imigassamik assequtsersuisneq. “Pisiniarfit anginerusut imigassat aalakoornartullit pisiniarfimmi nioqqutissanit allanit assiaquteqartissavaat, inimi allami immikkut isertarfilimmi.”

Tassa akueralugu peqataaffissi.

Agathe Fontainip ilanngussaa piaaraluni kukkusumik ilisimatitsineruvoq. Saassussinermummi qalleqqissaasuuvoq Aqqaluaq B. Egede Aasianni TV-kkut oqallinnermi  Agathe Fontainip akunnialunnguit sioqqullugit Sermitsiaq.AG-p oqallittarfiani  pisuutitsiniarnerattulli Demokraatit pisuutimmagit.

Uanilu apeqqutaavoq IA ajornartoorluni ima erloqilereersimatiginersoq allaat kusanaatsumik Demokraatit uppernassusaannik aserorteriniarsarilerluni sallulu sakkugalugu pissaaneq tiguniarsarilerlugu?

Inussiarnersumik inuulluaqqusilluta
Demokraatit / Demokraterne

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt