Del

2013-miit 2014-mut piffissaq sivikitsoq eqqaassanngikkaanni 2009-miilli Inatsisartunut ilaasortaavunga. Isumaqartuarpunga inuit ingerlalluartut pillarneqartassanngitsut. Taamaattumik sulissutissama pingaarnerit ilagaat akissarsiaqqortunerit immikkut akileraarusersorneqarnissaasa akerlilersornissaat.

Eqqumiippallaanngilaq akissarsiaqqortunerit immikkut akileraarnerusalernissaat IA-p qineqqusaarutigimmagu. Ukiarli malunnarsivoq IA-p akissarsiaqqortunerit immikkut akileraarnerusalernissaat sulissutigigaa. Isumaqarpunga isuma sussaanngitsoq pissutsit assigiinngitsut pissutigalugit.

Siullermik pingaarutqarpoq nunatsinni inuusuttut ilinniarnertuunngorusuttut imaluunniit ulloq unnuarlu qasuttuillutik sulisartut tapersersorneqartarnissaat taakku aallarnisagaat iluatsittaqqullugit. Kukkunerussaaq inuit taamaattut iluatsitsisullu immikkut akileraarnerusalersillugit pillarneqartassappata.

Aappassaatut pingaaruteqarpoq sulliviit sulisuminnik immikkut suleqqusillutik kaammattuisarnissaat. Tamanna ajornarnerulissaaq sulisut taamaattut Namminersorlutik Oqartussanit pillagassanngortinneqartassappata immikkut akileraarnerusalersillugit.

Uanga isumaga ersaripp9oq. Sulineq imminut akilersinnaasariaqarpoq, ilinniarneq imminut akilersinnaasariaqarpoq aamma aallarnisaasartutut nammineq aningaasaliissuteqartarneq imminut akilersinnaasariaqarpoq. Uangut politikerit akissarsiaqqortunerit immikkut akileraarnerusalersissagutsigit taava imminnut iluaquserusullutik suleruluttut pillartalissavagut. Isumaqarpunga tamanna kukkunerujussuussasoq.

Akileraariaaserput pisariitsoq uanga iluareqaara, tassanimi qularnaarneqareermat akissarsiaqqortunerit akileraarnerusarnissaat. Kisianni suleqataaffigerusunngilara immikkut akileraarujussuartoqartarnissaa ingerlalluarneq pissutigiinnarlugu.

Taamaattumik oqarpunga: Inatsisartuugallartillunga akissarsiaqqortunerit immikkut akileraarnerusalernissaannut qujaannarpunga.

Inussiarnersumik inuulluaqqusillunga
Justus Hansen
Demokraatit sinnerlugit qinigassanngortittoq

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt