Del

Kalaallitsut, tuluttut danskisullu oqaaseqarpunga. Kalaallisulli oqallorippallaanngilanga.  Taava inupalaajuvunga imaluunniit sullarluttuuvunga? Uanga isumaqarpunga naamik. Ajoraluartumik allaanngilaq nunatsinni assigiinngitsunik oqaasillit avissaaraluttuinnartut.  Taarsiullugu suleqatigeeriarta oqaloqatigiillutalu. Oqaatsit pillugit immikkoortitsineq uanga unitsinniarpara.


Nunami maani sammivallaaqaagut sapikkagut eqqartornagit sapinngisagut. Aamma tamanna saqqummertarpoq oqaatsit oqallisigineqaleraangata.

Kikkut tamat oqartussaaqataanerat tunngavigalugu ingerlavugut taamaakkaluartoq apersuusersorneqartarpoq danskisut oqaasillit ilumut Inatsisartuni oqaatsitik atorlugit oqaaseqarsinnaatitaassanersut.

Kalaallit Nunaanni inuuvugut taamaakkaluartoq kalaallisut oqaasilinnut ajornarsinnaasarpoq ilinniakkamik naammassinninnissaq, atuartitsissutit tuluttut danskisullu naqitaasarmata.

Oqallinneq kusanartuaannanngilaq. Akuttunngitsumik oqarfigineqaannartarpugut oqaatsinik ilinniassasugut. Kisianni paasilaariarsiuk; imaaliallaannarneqarsinnaanngilaq. Uanga nammineq kitaamiusut oqalukkusuttaraluarpunga. Soorunami. Aamma qularinngilara inuusuttut tuluttut danskisullu oqalussinnaanngitsut kissaatigisassagaat tuluttut danskisullu oqaluttarnissartik, ilinniarnissaminnut periarfissarissaarnerujumallutik imaluunniit internetimi aliikkutassanik allanillu atuisinnaanerujumallutik.

Oqaatigiumasara tassaavoq tamatta akuerisariaqaripput piginnaaneqarluta inutsialaasinnaalluartugut qanorluunniit oqaaseqaraluarutta. Immitsinnut ataqqineruleriarta ikioqatigiillutalu, immitsinnut kanngusaarluta avissaartuukkaluttuinnarunnaarluta.

Taava aamma – angajoqqaat, paaqqinnittarfiit, atuarfiit sulliviillu – ataatsimoorluta sulissutigeriartigu kinguaariit tulliisa kalaallisut, tuluttut danskisullu oqalussinnaanngornissaat. Tamanut iluaqutaassaaq oqaatsit aporfiginagit oqaloqatigiissinnaanngussagataa aamma pileriginerpaasamik ilinniarnissaq ammaanneqassagaluarmat.

Ikioqatigiilluta anguniartigu oqaatsit pillugit immikkoortitsineq qanorluunniit oqaaseqaraluarutta.
Inussiarnersumik inuulluaqqusillunga
Justus Hansen
Demokraatit sinnerlugit qinigassanngortittoq

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt