Del

Tele Postip mobileqarnermut mobildatamullu kisermaassisuuvoq. Tassa imaappoq nunami maani taamatut kiffartuunneqarnerput akisunaarujussuartarparput nunanut allanut naleqqiulluta. Unammilleqatigiinneq ammaateriartigu misilillugulu akinut apparsaataassanersoq aamma tamatsinnut nuannaarutaasumik tunisassiat pitsaanerulissanersut.

Demokraatini qinigaaffiup kingulliup ingerlanerani – aamma tamanna sioqqullugu – ilungersuutigaarput mobiltelefonimi aamma mobildataqarnermi unammilleqatigiittoqalissasoq. Uangut unammilleqatigiinneq kissaatigaarput. Isumaqarpugut pissusissamisuunngitsoq pisortat suliffeqarfiutaat kisermaassilluni ingerlatsissappat nunani allani unammilleqatigiiffiusartunik.

Mobiltelefoni aamma mobildata tamatta ullut tamarluinnaasa atortarpagut. Ineriartorneq sukkasuupilussuuvoq. Aamma nunatsinni politikerinut ineriartorneq sukkavallaarsimarpasippoq taakkumi suli takorluuisut silarsuanniipput isumaqarlutik Tele Post kiserluinnarmi mobiltelefonimik mobildatamillu kiffartuussisinnaasoq taamatullu aamma avataaniik unammillerneqarneq sussaanngilluinnaqqissaartuusoq.

Uanga killormorluinnaq isumaqarpunga. Uanga unammilleqatigiittoqarnissaa kissaatigaara. Isumaqarpunga akikinnerulissasoq tunisassiallu pitsaanerulerlutik. Taamaattumik ilungersuutigiuassavara niuerfiup unammilleqatigiiffinngornissaa.

Tamatumunnga atatillugu eqqaasitsissutigerusuppara Copenhagen Economics immikkoortoq pillugu nalunaarusiortinneqarnikuummat tassanilu paasineqarluni immikkoortoq unammilleqatigiiffiulersuuppat inuiaqatigiit iluannaruteqartinneqassagaluartut. Allatut oqaatigalugu imaappoq uangut atuisartut akikinnerusumik periarfissaqalissagaluarpugut kiisalu aamma inuiaqatigiit iluaquserneqassagaluarput. Inuiaqatigiit 69 millioner koruunit 112 millioner koruunillu akornanni iluanaaruteqartalissagaluarput ukiumut. Eqqarsaatigilaariartigu aningaasat taakku sumut atorsinnaanerlugit?

Aningaasarpassuit Tele Postip iluanaarutigisartagai isertortumik akileraarutaannaapput atuisartunit akilerneqartartut – tassa Kalaallit Nunaanni innuttaasunit tamanit akilerneqartarput. Taamaattumik inuiaqatigiinni sanngiinnersagut aamma akilersueqataapput naak partiit allat oqaasinnaarigaluaraat sanngiinnersagut tapersersorlugit, ilumoortorli tassaavoq sanngiinnersagut kaasarfissiorneqartarmata uffa ulluni naliginnarni inuuniarnerminni imaannaanngitsorsioraluaqalutik.

Isumaqarpunga Tele Postip ingerlanneqarnera namminersorlutik oqartussanit pigineqaannassasoq allalli ingerlatseqatigiiffiit periarfissinneqartariaqartut unammilleqataanissaminnut.

Paasisinnaanngilluinnaqqissaarpara sooq Demokraatini kisiartaalluta immikkoortup unammilleqatigiiffiunissaa illersorneripput.
Inussiarnersumik inuulluaqqusillunga
Justus Hansen
Demokraatit sinnerlugit qinigassanngortittoq

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt