Del

Qineqqusaarutigineqarluartut ilagaat ilinniartitaaneq aamma ilinniartitaanermut tunngatillugu assigiinngtsorpassuit qallorneqarput. Nassuserutigisariaqarparpummi nunanut allanut naleqqiulluta ilinniartaanikkut kinguussaaqangatta. Ilinniartut naammassisartut ikippallaaqaat. Pissutaasut arlaqarput ilaatigut aamma oqaatsit pissutaaqataapput oqaatsit amerlasuunut ilinniarusuttunut aporfiusarmata imaluunniit ilinniaqqinniartunut aporfiusarmata.

Inuusuttut tatituut meeqqat atuarfiata kingorna ilinnialerusuttut pilersikkumallugit taava  inuttut uatsinnut suut unamminarsinnaanersut misissortariaqarpagut. Tamannali allaavoq taamaakkaluartorli aamma angisuumik suliniarfigisariaqartoq. Uanili sammerusuppakka ilinniarnissamut atatillugu piumasaqaatit.

Piumasarigutsigu meeqqat atuarfiata kingorna inuusuttut ilinniassasut, taava avaqqussinnaanngilarput meeqqat atuarfiata qiviarnissaa. “Atuarfitsialak” ajoraluartumik kissaatigineqartutut kinguneqarnikuunngilaq aamma meeqqat atuarfiani atuareernerup kingorna ilinnialersartut ikippallaaqaat. Pissutaasut amerlasinnaapput taamaattoqarneranut soorunami pissutsit assigiinngitsorpassuit sunniuteqaqataasarput. Ajornartorsiutaasunulli ilaapput imigassaq, aanngajaarniutit, meeqqat atornerlunneqartarnerat il.il. pineqartumi annertuumik sunniuteqaqataasinnaasoq. Politikerit innuttaasullu ikioqatigiillutik tamanna iliuuseqarfigisariaqarpaat.

Ilinniartitaanermulli tunngatillugu imatut oqarusuppunga: Qaqugumulluunniit ilinniarnissamut piumasaqaatit appanngisaannassavagut! Ilinniarneq sunaagaluarpalluunniit. Tamatigut anguniartariaqarpoq piginnanangorsartarnissarput uangutsinnullu piumasarineqartut naammassillugit. Qaqugumulluunniit eqimattatut nukittuutut sivikitsumik sivisuumillu ilinniagaqarsimalluta taava inuiaqatigiinni nutaaliani pisariaqartinneqartut naammassisariaqarpagut. Immitsinnut akorngusiinnassaagut ilinniakkanut assigiinngitsunut piumasaqaatinik mangiiaalissagaluarutta asuli ilinniarsimasutut allagartaqarniaannarluta.

Demokraatini ilaatigut qineqqusaarutigaarput ilinniartaanerup pingaarnerpaatut suliniarfigineqarnissaa. Ilinniarsimassutsip qaffasissusaa siuariartorfiujuartariaqarpoq nunarsuarmioqatitsinnut tulluussartuartariaqaratta. Qineqqusaarutitsinni itinerusumik atuarsinnaava Demokraatini immikkoortumi suut suliniutigilersaarnerigut.

Ilungersorulooreerluni ilinniarusutatut kissaatigisaq naammassigaanni taava taamaallaat imminut qiviartariaqarpoq oqarfigalunilu: “Assaa, uangapajuk, sapinngilanga!” Taamatut oqarsinnaajunnaassaagut piumasaqaatinik mangiaalissagaluarutta, oqilisaanneqarsimagutta perrualaarnissarput minnerussammat.
Pitsaassuseq qaffassariartigu isumagalugulu ilinniarnissamut piumasaqaatit suulluunniit appartinnginnissaat … sapinngilagummi!
Kasper Berthelsen
Demokraatit sinnerlugit qinigassanngortittoq

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt