Del

Ilikkartariaqarparput eqqagassat iluaqutissatut isigilernissaat eqqagaannartut isigiunnaarlugit. Taamaattumik imikkoortiterisalertariaqarpugut atoqqittarlugillu, qularnaarumallugu meerartatta nunatsinnik eqqiluitsumik kusanartumillu kingornussinissaat.

Qineqqusaarnermi killeqanngiusartumik oqallisigaarput meerartatta aalisarnerullu nunatsinnut qanoq pingaaruteqartiginerat. Kisianni arlaannaataluunniit eqqagassalerinerput qanoq kinguneqassanersoq massakkutut periutsigut ingerlatiinnassagutsigit eqqaanngilaa. Sulissutiginerusariaqarparput atueqqittarnissaq minnerunngitsumik eqqortumik atueqqittarnissaq.

Demokraatinit ilungersuutiginiarpara aqutseriaaseq pinngortitamik eriaginninnermik pingaartitsisoq pilersinneqartariaqarpoq. Nunat avannarliit assigingajallugit inuuvugut kisianni tassanerpiaq kunguarsimanerulluta ingerlalluta.

Taamaattumik pingaartorujussuuvoq atueqqittarnissaq tunngavigalugu piaartumik eqqagassalereriaatsimik nutaamik pilersitsinissarput, tamannalu aningaasaliinertut isigisariaqarparput. Iluaqutigissavarput pinngortitap nalingata aalisakkallu nalingata pigiinnarnissaannut. Puigussanngilarpummi pinngortitami pisuussutigut inuussutigigatsigit aamma pinngortitarsuup pinnernera.

Takorloorpara eqqagassalerineq atoqqiinermik tunngavilik makkunannga immikkoortiteriffiusassasoq:

  • plastik
  • pappialat issusuut
  • pappialat naliginnaasut
  • igalaamerngit
  • Nerisat sinnikui

 

Imaassinnaavoq pisariunerulaalersoq tamatsinnut, paarlattuanilli nuannaarutigissavarput tamatta suleqataaffigissagatsigu Kalaallit Nunaat eqqiluinnerusoq pilerinarnerusorlu, tassani inuit tamarmik suleqataassallutik tamatta avatangiiserput pillugu.

 

Inussiarnersumik inuulluaqqusillunga
Linda Hegelund
Demokraatit sinnerlugit qinigassanngortittoq

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt