Del

Uanga isumaqarpunga ingerlariaqqiffiusuni ilinniartuunermi saniatigut suliffeqarnissaq orniginartuussasoq.

Ullumikkut pissutsit qiviarutsigit, ilinniartoq saniatigut suliffeqarniaruni ullunut 14-nut 600 kr    missaani imaluunniit minnerusumik akileraarnermi ilanngaassunneqartarpoq, ilinniartunullu sulinermi akunnermut akigitinneqartartoq 92,50-105 kr nalaaniippoq apeqqutaalluni ilinniarneq sumut killissimanersoq.

Akunnermut aningaasarsiat qiviaraanni annertuginarsinnaapput, kisiannili inummut ilanngaat qiviaraanni taassumalu peereernerata kingorna tamakkiisumik akileraartussanngortarneq pissusissamisuunngitsutut isigaara.

Akileraarnissaq peqqutaalluni ilinniartoq sulinerulersarpoq piffissarlu ilinniarnerminut atorsinnaasaraluani sulinermut atulersarlugu kaasarfimmioqalaarnissi, atuagarsiutissaqarnissi, qarasaasiamut akissaqarnissi imaluunniit siunissami inissiamik pisinissaminut ileqqarinissi anguniarlugu. Taamaattumik ilinniartunut akileraartarneq peeraanni imaluunnit frikortiliigaanni soorlu kalaallit ilinniartut danmarkimi peqartut, taamarsuaq sulinissaq pisariaarutissagaluarpoq.

Oqanngilanga ilinniagaq tunulliunneqassasoq uanili oqariartuutigaara ingerlariaqqiffiusumik ilinniagaqareeraanni inuunermi alloriarnerup tullerisarmagu atorfittaarneq, iliniartullu saniatigut suliffeqarnermigut suliffimmik pitsaasumik nassaarnissaa periarfissaqarnerummat.

Suminngaanniit aningaasat taakku aaniarpakka? Aningaasat taakku ilinniartut inaasa akiisa nalimmassarnerasigut aaneqarsinnaapput, tassa ullumikkut imaappoq inissiami ineqartut 18-nik ukioqalereersimasut apeqqutaallutik inissiaq akilerneqartarpoq. Eqqarsaatigineqarneq ajorpoq inissiap qanoq angitiginera imaluunniit qanoq pitsaatiginera.

 

Inuss. Inuull
Linda Hegelund
Inatsisartunut qinigassanngortittoq- Demokraatit.

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt