Del

Timersorneq qasujaallisarnerlu inuunermik peqqinnartumik pilersitsiniarnitsinni pingaaruteqarluinnarput. Inuulluataarnerup nassataanik nappaatigineqalersartut pinaveersaartinneqarsinnaapput timersorneq qasuaallisarnerlu aqqutigalugit. Sulissutiginiarpara timersornerup qasujaallisarnerullu meeqqanit suli atualinngitsunit atorneqarnerulernissaa taamatullu aamma meeqqat atuarfianni tamatumap ingerlateqqiinnarneqartarnissaa, tamanna aqqutigalugu naliginnaasumik inuiaqatigiit peqqinnerusut pilersikkumallugit.

Inuunermut timersornermullu politikki  pinaveersaartitsinermik pingaarnertut pilersitsisoq aamma ilikkagaqarluarfiusussaq kissaatigaara aamma kissaatigaara paaqqinnittarfiit meeqqallu atuarfiisa annerusumik akuutinneqalernissaat. Timimik atuineq ulluinnarsiutaalertariaqarpoq meeqqerivimmi aallartittumik tassani pinnguarneq nuannisarnerlu aqqutigalugit qasujaallisartoqartassaaq, avatit sungiusarneqartassapput aamma naleqartitat peqqinnartut ulluinnarsiutaalissapput.

Tamakku meeqqat atuarfiini nangeqqinneqartassapput meeqqat ilisimasaqarnerulersillugit aamma tassani nuannisarnerit aqqutigalugit timersuutit assigiinngitsorpassuit ilisaritinneqartassapput. Taamatut timersornermut  isiginneriaaseq aamma peqqinnermut isiginneriaaseq atorneqarsinnaapput peqqinnartut naleqartitat allat eqqartornissaannut, soorlu pujortartarneq pillugu oqaloqatigiinnerit, imigassaq, hashi kiisalu atornerluisarnerit allat aamma tamakku timimut qanoq sunniuteqartarneri.

Angajullerni sungiusarneq tamakkiisumik ingerlanneqartassaaq aamma sammineqartassapput timersornerup timimut sunniutigisartagai. Eqqarsaatigineqarsinnaavoq “timersornerup” atuakkatut periarfissiissutigineqarnissaa, atuartorpassuit timersortartut  taamatut ingerlatsisarmata immaqalu aamma allanut atuarnermut qatsusseqqasunut kajuminnerulersitsisinnaassagaluarlutik.

Takorloorpara meeqqat atuarnerini tamarmi tarnip pissusaanut immikkut ilisimasallit allallu ilinniarsimasut suleqataanissaat, ajornartorsiutit takkuttut sukkanerpaamik iliuuseqarfigisarsinnaajumallugit taamaalillunilu assigiinngitsunik ilinniagallit qanimut suleqataasillugit. Aamma meeqqat suli amerlanerusut paasiniaavigerusuppagut immaqa inuunerminni misigisaqarnerlussimasinnaasut atornerluinermilluunniit kalluarneqarsimasinnaasut taamaasillutalu  tamakku eqqarsaatigalugit siusinaarluta iliuuseqarsinnaalerluta.

Meeqqanut ukiukittunut  timersornerup qasujaallisartarnerullu iluaqutissartaanik ilisarititsisarneq iluaqutissartalerujussuussaaq. Inuulluataarnerummi kinguneranik nunarsuarmi napparsimalersartut amerliartorput aamma piffissaq qaninnerusoq isigalugu aningaasarpassuit sipaarneqarsinnaapput meeqqat inuusuttullu oqalutuunneqartuuppata paarilluassasut aamma qasujaallisartassasut taamatullu peqqinnartumik inuuneqassasut.

Tamatuma saniatigut aamma pikkorinnersiukkat aamma nunanut allanut unammisartoqarneq suliniutip kinguneranik iluaquserneqassapput

 

Inussiarnersumik inuulluaqqusillunga
Morten Funch
Demokraatit sinnerlugit qinigassanngortittoq

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt