Del

Sulissutigisariaqarparput inuusuttut sunngiffimminni soqutigisaminnik sammisaqartarnissaat. Sooq qamuteralannik Snow Bikes-inik motocrosserinillu angalaarnissamut periarfissat pitsanngorsassanngilagut? Pinngortitaq nunallu timaa naammattoq tamakkuninnga ingerlatsiviusinnaasoq pigaarput allat ajoqusersullannguarnagit.

 

Inuusuttut 17-nik ukiullit nukarliillu Café-niik anereersimasussaapput unnukkut nalunaaqutaq arfineq-pingasunut. Taamaasillutik “sammisassaminnik ornissinnaasaminnilluunniit” mattunneqartarput allamillu saaffissaanik neqeroorfigineqaratik. Inuusuttut susassaaleqisarnerat kinguneqarsinnaasarpoq aserorterinernik, tillinniarnernik, imernermik, persuttaannermik il.il. Tamakku tamarmik pinaveersaartinneqarsinnaapput inuusuttut nuannarisaminnik sammisassaqartinneqartuuppata .Tamatta nalunngilarput pinngortitamiinneq peqqinnartuusoq. Periarfissarsiuusseriarta aporfissanik eqqarsanngikkaluarluta.

Aallaqqaammut sulissutigeriartigu qamuteralaat akikinnerulernissaat. Eqqussinermi akitsuut peertigu imaluunniit 5.000 koruuninut appartigu ATV-nik eqqussinermi akitsuutip angeqqataanik akitsuuteqartilerlugit. Isumaqanngilaq qamuteralannik eqqussinermi akitsuutip annerunissaa ATV-nut naleqqiullugu.

 

Aaammattaaq Motocrosserinik Snow Bikesinillu eqqusseqqusinnginneq atorunnaarseriartigu. Motocrossserit Snow Bikesillu taamaallaat timaani nunaminertani aalajangersimasuni atorneqarsinnaassapput, nunarpullu angeqimmat ajornartorsiutaasariaqanngilaq inuusuttatta nunaminertamik tunineqarnissaat sunngiffimmi soqutigisaminnik ingerlatsivigisinnaasaannik.
Inuusuttatsinnut taaneqartutuut sunngiffimmi periarfissat pitsanngortikkutsigit ajunngitsunik arlalinnik nassataqassaaq. Qularnaassavarput susassaaleqileraangamik ajortuliortannginnissaat.

Minnerunngitsumillu qularnaassavarput nammineq nuannarisartik tunngavigalugu pinngortitamik atuisinnaalernissaat.  Silaannarissartassapput peqqinnarnerusumillu inuuneqalerlutik. Tamakku siunissami peqqinnissakkut mikinngitsumik sipaartittalissavaatigut aamma soorlu aserorterereernerup kingorna iluarsaassisarnissanut.

Inussiarnersumik inuulluaqqusillunga
Rachel Ingemann
Demokraatit sinnerlugit qinigassanngortittoq

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt