Del

Allattoq Demokraatit sinnerlugit qinigassanngortittoq, Apollo M. Jeremiassen

Sisimiuniit Kangerlussuup tungaanut aqqut, Qeqqata Kommuniata qangali pilersaarutigisaa, kommunip nammineq akisussaaffigissavaa, inuiaqatigiinnit akilerneqarluni suliarineqartariaqarani. Kisianni tassa ukiuni 18-ini Qeqqata Kommuniani borgmesteriusimasup, Siumumeersup, Inatsisartunut qineqqusaarluni oqarpoq, aqqut inuiaqatigiinnit akilerneqartariaqartoq.

Demokraatiniit tamanna isumaqatiginngilluinnarparput, tassami Nunatsinni kommunit namminneq pituttorsimanatik kommuniminnik siuarsaasarnissaat pingaartipparput, sapinngisamillu Nunatta naalakkersuinikkut ingerlatsisuinit, pisariaqartinnagu akuleruffigineqarnissaat isumaqatiginatigu.

Sisimiuniit Kangerlussuup tungaanut aqqusiornissamut aningaasat atorfissaqartinneqartut aningaasaateqarfinniit suliffeqarfinnillunniit aningaasaleerusuttunit isumaqatigiinniarnikkut pissarsiarineqarsinnaalluarput, taamaattumillu Nunatta karsiata aningaasaliinissaa isumalluutigineqarani aqqut pilersinneqakutsoorsinnaalluni.

Nunatta aningaasaataat inuiaqatigiit tamarmiusut pisariaqartitaannut atorneqassapput. Tassami assersuutigiinnarlugu inuuniarnikkut atukkat ullumikkut ima ilugersunartigaat allaat meerartatta pitsaasumik atugaqartinneqarnissaannut iluamik akissaqarata. Atuarfiit qaffasinnerusumillu ilinniarfiit pitsanngorsarneqarnissaannut aningaasat atorfissaqartinneqarput. Nunatsinni suliffeqarfinnik pilersitsiortornissamut aningaasat atorfissaqartinneqarput allarpassuarnullu Nunatta siuarsarneqarnissaanut aningaasat atorfissaqartinneqarlutik. Soormi taava kommunip ataatsip pilersaarutaannut, Nunatta aningaasaataat atorneqassappat? Tamanna inuiaqtigiinnik pitsaasumik sullisserusunnermut naapertuutinngilaq.

Kontakt Os / Attavigisigut

Vi er ikke tilgængelig lige nu. Men du kan sende os en e-mail, og så vender vi tilbage til dig hurtigst muligt. Massakkut pissarsiarisinnaanngikkutsigut e-mailerpigisinnaavatsigut, uterfigissavatsigit piaarnerpaamik.

Atuarneqarsinnaanngila? Teksti allanngoruk. captcha txt